Këtë të hënë u nda edhe çmimi Nobel për Ekonominë. Ish-kryetari i Rezervës Federale Ben Bernanke, Douglas Diamond dhe Philip Dybvig u nderuan të hënën me çmimin Nobel në ekonomi për punën e tyre mbi bankat dhe krizat financiare.
Grupi u njoh nga Akademia Mbretërore Suedeze e Shkencave për punën e tyre në fillim të viteve 1980, për të cilën instituti tha se, siguroi bazën për të kuptuarit tonë modern se përse nevojiten bankat, dobësitë e tyre kryesore dhe se si kolapsi i tyre mund të nxisë shkrirjet financiare.
Bernanke i cili drejtoi bankën qendrore të SHBA gjatë krizës financiare të vitit 2008, mori çmimin për kërkimin e tij mbi Depresionin e Madh. Puna e tij tregoi se rrjedhjet bankare ishin një arsye vendimtare që kriza u bë kaq e rëndë dhe e rrënjosur.