Tirana ka humbur me rezulatin 0-1 ndeshjen e parë të turit të dytë kualifikues në Conference League përballë Zrinjski Mostar. Goli që vulosi ndeshjen që u luajt në stadiumin ‘Air Albania’ u realizua në pjesën e parë nga Bilbijë në minutën e 12 me penallti.
Gjithsesi Tirana do synojë përmbysjen në ndeshjen e kthimit që luhet të enjten e ardhshme në Bosnje. Kjo është humbja e dytë radhazi për kampionët e Shqipërisë në Kupat e Europës pasi një jave me parë e eliminoi Dudelange nga kualifikueset e Champions League.
Në stadiumin ‘Air Albania’ ishin rreth 250 tifozë nga Bosnja. Ndërsa në krahasim me ndeshjen e një jave më parë mes Tiranës kundër Dudelange, sot kishte më pak tifozë të bardhebluve pasi mund të jenë zhgënjyer nga eliminimi në turin e parë të Champions League.