Bankat tregtare në vend, po vijojnë zbatimin e procedurave me klientët e tyre për shtyrjen e pagesës së kësteve të kredive, në kushtet e krizës së shkaktuar nga COVID-19.
Bankat kanë nisur procedurat lehtësuese për klientët e tyre, në zbatim të vendimit të qeverisë sipas së cilit “kredimarrësit duhet të komunikojnë me kredidhënësit (banka, institucione financiare jo banka apo me shoqëritë e kursim-kredive) duke u argumentuar këtyre të fundit arsyet mbi nevojat e tyre për shtyrje të pagimit të kësteve”.
Bankat njoftojnë se po procedojnë për çdo kërkesë të paraqitur pranë tyre brenda 3 ditëve nga data e marrjes së kërkesës, e cila mund të dërgohet me email, SMS, ose me shkresë zyrtare pranë degës ku kanë marrëdhënie.