Dr. Joseph Varon, kreu i ekipit mjekësor në Qendrën Mjekësore të Përkujtimit të Houston-it, kthehet në shtëpi pas një dite të gjatë në punë.
Doktor Joseph Varon nuk ka pasur një ditë pushimi për muaj me radhë.
E premtja ishte dita e 13-të e tij radhazi që drejtonte njësinë e koronavirusit në Qendrën Mjekësore të Përkujtimit të Houston-it.
“Nëse më pyet se si dreqin kam qenë në gjendje të mbijetoj për 134 ditë pa ndalesë, mendoj se është adrenalina” -tha ai.
“Por unë jam duke vrapuar në tym. Ështe e vështire.” Dhe java e kaluar ishte më e vështira e tij.Houston-i po përballej me një rritje të rasteve me Covid-19, dhe atë javë ai nënshkroi më shumë certifikata vdekjeje sesa kurrë më parë në karrierën e tij.
“Njerëzit po vdesin çdo ditë,” tha ai.
Dita e punës për Varonin fillon herët. Rreth orës 4:30 ose 5 të mëngjesit, ai shkon në spital dhe shkon direkt në njësinë e koronavirusit, ku ai dhe ekipi i tij kujdesen për secilin pacient. Pastaj ai fillon të turnet (raundet e vizitave).
“Ai është i përfshirë me gjithçka dhe shumë personalisht,” Callaghan O’Hare, i cili e ka fotografuar disa herë gjatë muajit të kaluar.
“Ai ulet në shtrat me njerëzit, do t’i përqafojë dhe të bisedojë. Është bukur dhe shumë e pabesueshme njëkohësisht për t’u parë.”
Kujdesi për pacientët me koronavirus zgjat minimumi 10 orë çdo ditë, tha Varon. Pas kësaj, ai takohet me pacientët e tij të tjerë në spital – ata që nuk kanë koronavirus.
“Nëse jam me fat, kthehem në shtëpi para orës 10 të natës. Nëse nuk kam fat, që është shumica e kohës, e bëj rrugën për shtëpi rreth mesnatës,”tha ai.
Sigurisht, Varon nuk është i vetmi që bën sakrifica të tilla. Ai nuk nguron të lavdërojë ekipin e tij për punën dhe orët e gjata e të vështira të qëndrimit në spital. “Jeta e infermierisë brenda një njësie Covid është e vështirë,” tha ai. “Sa herë që hyjnë dhe veshin ato rrobat mbrojtëse, ata dalin duke djersitur sikur nuk ka të nesërme. Është pak a shumë si një mini sauna për ta.”
Puna është fizikisht rraskapitëse, me të gjithë personelin që kanë disa shtresa të pajisjeve mbrojtëse personale, ose PPE.
Varon ka parë infermierët tek kullojnë djersën e tyre. Është gjithashtu moment ‘kullues’ edhe nga ana emocionale.
“Kam parë infermiere, në mes të turneve, që nisin të qajnë” tha Varon. Qajnë sepse ata thjesht nuk mund të vazhdojnë më.”
O’Hare thotë se ai ishte një moment goditës, megjithatë, stafi i Varon, me gjithë përkushtim dhe guximin që kishin nisën të bënin një ndryshim. “Ata po përpiqen të marrin kohën për t’u njohur me pacientët,” tha ajo.
Nuk është e lehtë të lidhesh me dikë kur fytyra jote është e mbuluar nga një maskë dhe një mburojë dhe je i veshur deri në kokë me veshjen mbrijtëse. Por skuadra e Varonit ka një zgjidhje.
“Mjeku dhe infermierët të gjithë do të bëjnë fotografi print të vetes në mënyrë që pacientët të paktën të dinë se si duken dhe të kenë një ide se me kë po bisedojnë,” tha O’Hare.
Tre infermierë në stafin e Varon jane infektuar me Covid-19 në muajt e fundit. Varon nuk e di se si janë kontaminuar, por në spital ata janë gjithmonë të kujdesshëm në lidhje me PPE (rrobën mbrojtëse).
“Shpesh u them njerëzve që ndjehen më të qetë brenda njësisë sime sesa jashtë njësisë sime,” tha ai. Infermierja Christina Mathers rezuktoi pozitive javën e kaluar. “Kjo është gjëja më e vështirë për të dëgjuar ndonjëherë.
Kjo të rëndon “tha Mathers, i cili kishte punuar çdo ditë që prej 29 Prillit. ” Por unë nuk do të shkoj askund tjetër, do rri këtu. ” Houston është qendra e qarkut të Harris County, i cili nga e Premtja ishte i pesti në Shtetet e Bashkuara për shumicën e rasteve të konfirmuara me Covid-19.
“Kam dëgjuar një rritje të lëvzijes ambulancave, thuajse gjatë gjitha ditës,” tha O’Hare, i cili jeton në Houston.
“Dhe unë kam bërë mjaft mbulim duke qëndruar në parkingun e Qendrës Mjekësore në Teksas dhe duke parë numrin e ambulancave që hynin dhe dilnin në objektet e testimit.” Ajo thotë se ka parë që njerëzit shfaqen në orën 11:30 të natës para se të sigurohen që kanë një mundësi radhe apo do të testohen ditën tjetër. “Situatë goxha kaotike,” tha ajo. Varon është shprehur shumë në lidhje me kërcënimin e Covid-19 dhe rëndësinë e mbajtjes së maskave.
“Njerëzit kanë telefonuar në zyrën time duke kërcënuar për shkak të të gjitha deklaratave në media që unë jam duke bërë, sepse ata nuk besojnë se ajo që ne po bëjmë është e vërtetë,” tha ai.
Varon dëshiron që njerëzit ta shohin:
Kjo nuk është një shaka. Kjo është një gjë e vërtetë.
Njerëzit po vdesin.
“Ju nuk e keni idenë e zhgënjimit tim kur largohem nga spitali, kur shkoj në shtëpi dhe shoh në mjediset e hapura njëqind makina, një bandë djemsh të rinj ose gra të reja që kanë një festë – pa maska për fytyrën, pa asgjë. Kjo më vret mua,” tha ai.
“Njerëzit nuk dëgjojnë!”
CNN / Tirananews.al