Epidemiologu Ilir Alimehmeti ka qetësuar opinionin sportdashës rreth shfaqjes së rasteve më COVID-19 në Superiore. Në “Rubrika Sportive” ai qetësoi të gjithë që testet vështirë se do të nxirrnin pozitivë mes futbollistëve pasi infektimi në fushë ishte shumë i vështirë.
“Dyshoj të ketë probleme se ne kontakt të ngushtë nënkuptojmë një qëndirm të paktën 15 minuta në dy metra distancë në ambient të mbyllur. Këto nuk ndodhin në ndeshjet e futbollit, studimi ka parë që në një ndeshje futbolli, kontakti i ngushtë është rreth 1 minutë e gjysmë, ndaj jemi shumë larg asaj që mund të quhet një kontakt i ngushtë.
E ngjitin më shumë sëmundjen ata që shfaqin shenja, që janë qartësisht të sëmurë. Dyshoj që një futbollist që shfaq shenja të luajë futboll. E dyta shokët e dhomës janë negativ dhe ata janë indeksi kryesor. Por për të qenë të sigurt, ndodh vetëm nëse atë tampon e bën çdo 3-4 ditë në mënyrë të vazhdueshme. Ky virus qarkullon në komunitet dhe nuk janë vetëm në aspektet e lojës e profesionit, janë më të mundshme që të merret në komunitet.
Kërkesa për tamponë ndaj Tiranës? Nëse do ma kërkonin të bëja tamponin sot, nuk ka gjë të keqe ta bëj për ta ditur se ku jam nga ana shëndetësore në moemnein që kemi tampon e ekzaminime. Nuk ka asgjë të keqe. Por dyshoj që ndonjë të dale pozitiv për arsye kontaktesh të fushës, nëse ka kontakte të tjera jashtë fushe, mundësia është më e madhe.
Të rinjtë nuk hyjnë te kategoria në rrezik, personat që janë më aktiv kanë imunitet më të lartë, çdo sëmundje e kalojnë më lehtë, përfshirë edhe këtë virus”, tha Alimehmeti.