Festivali i Këngës në RTSH, është shoqëruar me shumë polemika. Që pas shpalljes së fituesit, njerëzit janë ndarë në dy pjesë dhe ende diskutohet kupa që mori Arilena me këngën “Shaj”. Por, pas gjithë kësaj zhurme ka ndodhur edhe diçka tjetër e papritur.
Playlista e krijuar për të gjithë konkurrentët e “Festivalit të Këngës” në kanalin e RTSH-së në YouTube nuk përmban më asnjë këngë. Lista e krijuar për konkurrentët e këtij viti është e gjitha bosh dhe në të nuk ka më asnjë këngë. Nuk dihet ende çfarë ka ndodhur dhe kush fshihet pas saj, megjithatë jemi në pritje të një deklarate nga vetë RTSH-ja.
