Drejtuesi i politik i PS në qarkun Vlorë, Bledi Çuçi bëri një vizitë në një prej bizneseve të Vlorës që shërben si pikë distribuimi e produkteve të ndryshme. Gjatë bisedës me drejtues të biznesit dhe punonjësit, Çuçi foli për “Paqen Fiskale”, një iniciativë e qeverisë për të lehtësuar më tej bizneset në mbarë vendin.
U përmend rritja e pagës minimale në 400 euro dhe zotimin e qeverisë për ta çuar në 500 euro në muaj duke filluar nga janari 2026. Çuçi e vlerësoi Vlorën si një nga qytetet me perspektivë të madhe ekonomike, me rritje të shpejtë të bizneseve dhe të vlerës së pronës teksa kërkoi mbështetjen me votë për Partinë Socialiste në 11 maj.
Postimi i plotë
Te “Blinko 2015” këtu në Vlorë, një nga pikat kryesore të distribuimit të produkteve të ndryshme. Kënaqësi të bashkëbisedoja me drejtuesit e këtij biznesi dhe punonjësit, si dhe t’u shpjegoja përfitimet nga paketa e “Paqes Fiskale”, por edhe zotimin tonë për rritjen e pagës minimale në 500 euro duke filluar nga janari i vitit 2026.
Vlora sot është plot mundësi të reja për të ngritur e zhvilluar më tej bizneset. Falë transformimit të madh që kemi bërë, aeroportit që po mbaron dhe projekteve të tjera madhore që do të realizojmë, është përpara një perspektivë e shkëlqyer për të pasur këtu një të ardhme të sigurt. Me votën për Partinë Socialiste garantojmë vijimin e projekteve, Vlorën europiane, Shqipërinë në BE.