Pas lajmit të trishtë që dha dje ylli portugez, Crisitiano Ronaldo se një nga binjakët e tij të sapo lindur ndërroi jetë, të gjithë njerzit, miqtë e lojtarit, por edhe futbolldashësit në mbarë botën janë prekur dhe kanë shprehur ngushëllimet e tyre.
Ndërkaq, Manchester United do të përballet me Liverpool mbrëmjen e sotme në kuadër të javës së 33-të të Premier League dhe sigurisht, kjo sfidë nuk i ngjan të tjerave për Ronaldon pas kësaj tragjedie familjare të përjetuar.
Ky është një rast ku duhet të shikohet përtej futbollit pasi kjo lojë e bukur nuk njeh ngjyra. Kështu, sipas “Dayli Mail”, tifozët e Liverpoolit kanë përgatitur diçka emocionuese për ta nderuar, respektuar dhe ngushëlluar fituesin e 5 herëve të Topit të Artë.
“Kam lexuar se tifozët e Liverpoolit do t’i japin mbështetje Ronaldos në minutën e 7-të të ndeshjes së sotme. Ata do të duartrokasin për një minutë për nder të CR7. Ju lutemi, bëjeni të gjithë ju që do të shkoni në stadium sonte. Tragjedia nuk njeh ngjyra”, shkroi një tifoz i skuadrës së Liverpoolit.
“Mendoj se tifozët tanë do ta shfaqin klasin e tyre dhe ta shfaqim mbështetjen tonë për Cristianon dhe partneren e saj pas humbjes së djalit të tyre. Me një minutë duartrokitje në minutën e 7-të do t’ju tregojmë tifozëve të tjerë dhembshurinë e vërtetë. Rivaliteti nuk do të thotë asgjë në kohë si kjo”, theksoi një tjetër tifoz i “Reds”.