Deputetët nga të dy krahët, kanë folur me një gjuhë të përbashkët për arrestimin e Vangjush Dakos. “Drejtësia të bëjë punën”. Dukej si e parapërgatitur, por deputetë dhe ministra të pyetur nga gazetarët e komentuan njëlloj arrestimin e ish-kryebashkiakut të Durrësit.
Teksa po hynin në sallën e Kuvendit për të zhvilluar seancën plenare, e para që komentoi ishte Ministrja e Arsimit, Evis Kushi e cila tha se drejtësia do duhet të bëj punën.
Dashamir Shehi, u shpreh se drejtësia do duhet të bëjë punën, ndërsa deputeti socialist, Fadil Nasufi tha se përgjegjësia është personale.
“Distancimi politik është i nevojshëm. Secili mban përgjegjësi personale”,-tha Fadil Nasufi.
“Kush ka gabuar do të pagojë. Jo për atë po për të gjithë”,-tha Shehu.