Dy shqiptarë, Kreshnik Çerçizaj(objektivi) dhe miku i tij Armando Ogranaja, u ekzekutuan disa ditë më parë në qendër të Athinës. Mediet greke kanë publikuar pamje të reja, që tregojnë momentet para vrasjes.
Bashkëpunëtori e la autorin e armatosur dhe të maskuar 200 metra larg kafenesë në sheshin e Nea Smyrni.
Ngjarja ka ndodhur mbrëmjen e së dielës. Dy shqiptarët vdiqën, ndërsa një vajzë mbeti e plagosur.
Sipas ANT1, një video e re tregon autorin, i cili pasi ekzekutoi shqiptarët brenda kafenesë hipi në një motoçikletë të drejtuar nga bashkëpunëtori i tij.
Siç shihet në videon e një kamere biznesi, dy personat ndalojnë 200 metra larg kafenesë ku ishin ulur dy viktimat. Kur motori ndalon, njeriu me të zeza zbret dhe niset drejt kafenesë në shesh.
Bashkëpunëtori i autorit e priste me motorin ndezur.
Sipas burimeve policore, efektivët e Departamentit të Vrasjeve kanë grumbulluar një sasi të madhe video-materiale dhe kanë hartuar arratisjen e dy të shpallurve në kërkim.