Këngëtarja Rezarta Shkurta dhe partneri i saj, Ermal Hoxha, janë një ndër çiftet më të njohur për publikun shqiptar, të cilët vijnë herë pas here në qendër të vëmendjes së mediave. Rezarta numëron mijëra ndjekës në profilin e saj në Instagram, ku ndan jo vetëm punën e pasionin e madh për fotografinë, por edhe përditshmërinë e saj. Së fundmi, këngëtarja ka shkuar për disa ditë relaksi në Kosovë së bashku me familjen.

Si rrallëherë, ajo ka ndarë me ndjekësit në Instagram pamje nga vila e tyre në Kosovë, e cila rrethohet nga një oborr i madh me gjelbërim. Vila 3 katëshe ndodhet në qytetin e Prishtinës dhe rrethohet nga shtëpi të tjera private. “Shtëpia”- shkruan Rezarta krahas videos, pa zbuluar se në cilën zonë ndodhet saktësisht shtëpia e tyre.

Disa ditë më parë, për shkak të stuhisë e rrebesheve të mëdha, këngëtarja tregoi se kishin rrezikuar jetën në shtëpinë e tyre në Tiranë. Megjithatë, gjithçka ishte rregulluar pasi zjarrfikësja dhe policia kishin mbërritur menjëherë e kishin arritur t’i shpëtonin.