Grupi hetimor ka deri më tani tre përgjigje të sakta ADN-je lidhur me sulmin ndaj “Top Channel”, ndërkohë që po pritet përgjigja e dytë nga Europol.
Përgjigja e parë nga Europol ka ardhur, në të cilën thuhet se është konfirmuar kërkesa për shenjat e gishtërinjve në ADN-të e gjetura.
Mësohet se analizat e ADN-së kanë dalë dhe pritet që të bëhet krahasimi me personat e dyshuar me metoda speciale të krahasimit. Po ashtu janë nisur disa letërporosi në drejtim të disa vendeve të tjera jashtë Europës. Këto letërporosi janë nisur me një kërkesë për të bërë një përputhshmëri të shenjave të gishtërinjve të personave nëse janë skeduar në këto vende.