Zëvendësministri i Mbrojtjes Civile në Greqi, Nikos Haradalias në një konferencë për median ka raportuar numrin e pushuesve që janë infektuar me Covid-19.
Haradalias deklaroi se autoritetet greke që nga data 1 korrik, kur u hap edhe kufiri për turistët kanë kryer 127.900 testime.
Ai u shpreh se nga pushuesit kanë rezultuar pozitiv 295 presona, përkatësisht: 78 raste janë shtetas serb, 63 bullgarë, 61 rumunë, 23 shqiptarë dhe 26 nga SHBA.
Po ashtu zëvendësministri grek, ka raportuar se nga 1 korriku deri më tani, kanë hyrë në Greqi gjithsej 918.032 persona.