Sekretari i Përgjithshëm i PS-së, Damian Gjiknuri, në konferencën me gazetarët, teksa foli për zgjedhjet lokale të 14 majit, tha se ka një minimum bashkish që do t’i marrë patjetër. Për të Partia Socialiste synon të mos zbresë nën 40 bashki.
“Partia Socialiste nuk zbret nën 40 bashki. Këto janë llogaritë elektorale në Shqipëri. Për aq kohë sa nuk ka alternativë të besueshme në krahun tjetër. Nga ana tjetër kemi po të njëjtët njerëz, aq më tepër që dihen tani dy figurat kryesore që kanë marrë lidershipin. Apo opozita tjetër, formale”, tha Gjinkuri.
I pyetur se kur do të zyrtarizohen kandidatët e PS për zgjedhjet vendore, Gjiknuri shtoi se shumë shpejt kryesia do të miratojë një udhëzim për zgjedhjen e tyre, duke vijuar konsultimet me strukturat dhe jashtë strukturave.