Departamenti Amerikan i Shtetit vlerësoi sot Altin Dumanin si një ndër 10 kampionët globalë të luftës kundër korrupsionit për vitin 2024.
Ishte Sekretari i Shtetit Anthony Blinken që e bëri shpalljen sot (9 Dhjetor), teksa ndau edhe dekoratat, duke ia dorëzuar edhe kreut të SPAK, duke vlerësuar punën e tij dhe të Prokurorisë së Posaçme si të jashtëzakonshme.
Pak pas ceremonisë, DASH në faqen në rrjetin social X, publikoi edhe një foto-portret me dekorim të Dumanit (sikurse edhe për 9 të tjerët), ku ngriti lart vlerat e tij në luftën kundër krimit të organizuar dhe korrupsionit.
Vlerësimit i bashkohet edhe Byroja kundër Narkotikëve, që i shprehën “urimet” Altin Dumanit si një nga 10 kampionët e 2024.
Në postim theksohet:
“Urime Altin Dumanit për shpalljen si një nga 10 kampionët e luftës kundër korrupsionit, si drejtues i Prokurorisë së Posaçme Antikorrupsion dhe Krimit të Organizuar, me integritet, profesionalizëm dhe kurajo”, thuhet në këtë postim.