Kreu i LZHK-së Dashamir Shehi i ftuar në emisionin “Kjo javë”, flet për kandidatët që mund të jenë përball Veliajt në zgjedhje. Ai thotë se opozita ka kandidatë dinjitozë që mund të përballeshin për Tiranën, përballë kryebashkiakut Erion Veliaj. Ai përmend disa emra që sipas tij mund të garojnë për Bashkinë e Tiranës.
“Unë them që aty brenda PD ka djem e vajza plot, sa të duash, duke filluar nga z.Mima, nga ato gocat, ka aty plot, Tabaku… Unë gjykoj që ka mjaftueshëm, plus që opozita është tashmë një hapësirë më e madhe se PD dhe kjo duhet të jetë linja nga duhet të shkojmë ne nëse duam ta përmbysim këtë regjim. Nuk është e thënë të jenë të gjithë “ushtarë” tek PD se nuk mund të jenë, nuk është e mundur, në fakt s’ka qenë asnjëherë. Duhet të bashkohen të gjitha forcat progresiste.
Ka 4-5 vetë që dalin në TV, por poshtë ka me mijëra të tjerë, intelektualë, të paangazhuar në politikë, pa teserë partie që i bëjnë më shumë nder opozitës se sa partive që janë rreshtuar aty”, tha Dashamir Shahu në emisionin “Kjo javë”.