Selena Gomez po shijon arratisjen e saj verore në Itali, duke u ekspozuar në diell. Por jo vetëm kaq, ajo shihet tejet e lumtur duke kaluar kohën me producentin italian të filmave, Andrea Iervolino. Ylli i Hollywood-it, u pa duke flirtuar me Iervolino, teksa ata kaluan disa kohë së bashku në një mega-jaht. Dyshja u fotografuan duke luajtur në ujë, duke notuar dhe madje duke hipur në një jet-ski.
Selena duket e buzëqeshur ndërsa hyn në ujë me producentin e filmit i cili e tërheq në oqean dhe më pas e ndihmon të futet brenda në jaht. Dyshja duket komode teksa shfaqen të ulur krah për krah në jaht ndërsa shijojnë një drekë dhe disa pije me miqtë e tjerë.
Iervolino, i cili ishte parë më parë me Gomez në korrik 2019, është i njohur për prodhimin e filmave “Waiting for the Barbarians” dhe “The Humbling”. Ai gjithashtu bashkëprodhoi “In Dubious Battle”, në të cilin luajti dhe Selena.
Ndërsa Gomez nuk ka folur për natyrën e marrëdhënies së saj me regjisorin, ajo postoi në TikTok gjatë pushimeve të saj luksoze në jaht për të ndarë një mesazh pozitiv për trupin.