Duke filluar nga nesër, e enjte, Këshilli Federal në Zvicër, do të heqë detyrimin për karantinë dhe atë për punë nga shtëpia.
Këshilli Federal ka vendosur t’u dërgojë kantoneve për konsultim dy propozime për hapje të mëtejme. Me variantin 1, praktikisht të gjitha masat do të bien poshtë, që nga 17 shkurti. Për shembull, do të bjerë detyrimi për të mbajtur maskë në transportin publik.
Varianti i dytë parashikon që hapja të bëhet gradualisht.
Në rastin e parë, për shembull, do të binte detyrimi për të treguar certifikatën në restorantet.
Në të njëjtën kohë me heqjen e masave, Këshilli Federal po dërgon për konsultim te kantonet përshtatje të mëtejshme të rregullave.
Veç tjerash nuk do të duhet të zbatohen masat sanitare kufitare.
Hiqet detyrimi për kryerjen e analizave për personat që nuk janë vaksinuar dhe që nuk janë shëruar, si dhe hiqet detyrimi i mbledhjes së të dhënave të kontaktit me rastin e hyrjes në Zvicër.