Disa herë ne kemi shkëmbyer mesazhe në dhjetor, ai ishte i qetë, vullkanik si zakonisht, optimist për biznesin që do të krijonte në Shqipëri. Unë e di me siguri se po kërkonte një kompani për të filluar prodhimin e objekteve me markën ‘Hairdressers Milan’ që ai më pas mund t’i sillte në Itali. Për më tepër, unë konfirmoj se ai më kishte dërguar një mesazh WhatsApp në të cilin ai pohoi se kishte hapur një biznes në një qendër tregtare në Vlorë, duke specifikuar se do të kthehej në Itali më 10 Janar”, rrëfeu miku i biznesmenit italian.
I pyetur nëse mendon se Davide Pecorelli ka kryer vetëvrasje, u shpreh: “Të mos bëjmë shaka, për çfarë arsye?”, duke lënë të nënkuptohej se nuk kishte asgjë që do ta nxiste të kryente aktin tragjik, raporton media italiane ‘La Nazione’.
Mbetet ende e paqartë përse 45-vjeçari, i cili erdhi në Shqipëri më 3 Janar, mori më qira një automjet tip “Skoda Fabia”, udhëtoi drejt Vlorës, më pas shkoi në Shkodër dhe bëri një ndalesë në Pukë. Që prej 6 janarit janë zhdukur gjurmët e tij, ndërsa në automjetin krejtësisht të djegur u gjetën sende personale që dyshohet ti përkasin Davide Pecorellit.
Rezultati i ekzaminimit të ADN-së është shtyrë për disa ditë, ndërsa prokurori publik i Perugia ruan konfidencialitetin në lidhje me hetimin duke mos zbuluar asnjë detaj. Pistat ku po hetohet janë vetëvrasja ose ekzekutimi.
45-vjeçari nuk ka pasur kontakte me familjen e tij që nga 6 janari. Të gjithë njerëzit që e kishin parë atë në hotel, dy ditë para zhdukjes së tij, thanë se ai ishte vetëm në Pukë.