Është shoqëruar me debatet mes socialistëve Damian Gjiknuri dhe Fatmir Xhafaj mbledhja e sotme e Komisionit të Ligjeve. Gjatë fjalës së tij Xhafaj tregoi disa rezerva në menaxhimin e insticioneve të drejtësisë, gjë që sipas Gjiknurit ka ardhur për shkak të skemës së komplikuar ku hartues ka qenë pikërisht Xhafaj.
Ky i fundit replikoi sërish duke thënë se i vetmi institucion që i është shtuar drejtësisë është Këshilli i Lartë i Prokurorisë. Gjatë debateve socialisti tjetër Pandeli Majko sinjalizoi me bërryl Gjiknurin në mënyrë që ai të bënte pas, por ky i fundit vijoi fjalën e tij.
Kjo situatë u ironizua nga ana e deputetes demokrate Dhurata Çupi për konfilte të brendshme brenda partië, por ishte kryetarja e Komisionit Klotilda Bushka e cila tha se ky është respekt për mendimin ndryshe ndërsa i kërkoi asaj të kthejë sytë nga partia e saj.
Replikat:
Fatmir Xhafaj: Për vakancat në sistem në gjykimin tim edhe brenda kuadrit ligjor mund të gjenden zgjidhje që ta përmirësojmë. Brenda kuadrit ligjor nëse ata bëjnë këtë studim. Edhe këtu po bëj një pauzë se ndoshta duhet thënë gjërat në vlerësime pozitive. Ky sistem të dhënash duhet të paktën të shërbejë për arritjen e një zgjidhje. Që thonë pastaj dështoi reforma në drejtësi. Nuk ka dështuar reforma. Ka dështuar menaxhimi ynë për mënyrën si i qasemi. Duhet të ketë një sistem vlerësimi për kancelarët. Prokuroria nuk e ka. Nuk po zgjatem më shumë se ndoshta nuk ka dhe shumë vend për të shkruar.
Damian Gjiknuri: Mbase disa nga gjërat që sugjeroi zoti Xhafaj mund t’i shikonim mirë. Ndoshta ai vetë mund t’i sillte me shkrim do ishte edhe më normale. Se disa fjali mund të kenë qëllim të njëjtë. Vendosja e afateve është e mirë por nga ana tjetër na ka lidhur duart. Nëse nuk kapet në vitin 2022 çfarë mund të bëjmë ne. Ka komplikime sepse kemi shumë organe që duhet të sugjerojnë njëri tjetrin. Po ka gjë që vuhet në Shqipëri është kultura administrative. Jemi vonë për zbatimin e reformës por kjo ka ardhur edhe për shkak të mangësive në person dhe për mendimin tim edhe të skemës së komplikuar. Unë mendimet e mia i them kurdo. Asnjëri nuk duhet të niset nga vështirësitë e zbatimit. Ne kemi zgjedhur një model. Është shumë më i mirë. A ka gjëra për të përmirësuar? Patjetër. Por gjërat janë në rrugë të mbarë.
Fatmir Xhafaj: Unë e dëgjova zotin Gjiknuri. Së pari ky është një proces llogaridhënës dhe jo një bilanc financiar. Këto nuk janë detyrime por thjesht rekomandime. Pa dyshim edhe unë bie dakord që jo për çdo gjë duhet vendosur afat. Unë për një gjë dua të bëj një debat. Ndoshta keni një kuptim të gabuar. Institucionet janë mirautar me 140 vota me duartrokitje në kuvend. E para cilat janë ndryshimet. Kemi pasur KLD kemi KLGJ. Kemi pasur ILD, kemi ILD. Kemi pasur Gjykatë të Lartë, kemi Gjykatë të Lartë. Vetëm KLP kemi shtuar.
Dhurata Çupi: Zonja kryetare unë mendoj se pala përballë ka shumë fjalë. Është betejë fjalësh kush thotë fjalë të bukura dhe kush kundërshton njëri tjetrin. Këtu u propozuan dhe gjëra të tjera mendoj të shtryhet dhe t’i japim kuvendit një rezolutë serioze. Për të tjera pastaj janë çështje të konflikteve të brendshme të PS.
Klotilda Bushka: Tani konflikte të brendshme shiikonii hallin tuaj te partia juaj se ne me njëri tjetrin e kemi të qartë se edhe pse mund të kemi mendime të kundërta e respektojmë njëri tjetrin nuk e ndajmë partinë në dysh.