Në Komisionin për Sigurinë Kombëtare është i pranishëm ministri i Brendshëm, Bledi Çuçi. Deputeti i PD-së, Ferdinand Xhaferraj ka kërkuar arsyen e shkarkimit të Gledis Nanos nga posti i drejtorit të përgjithshëm të Policisë së Shtetit, duke i kujtuar edhe statusin e ambasadores së SHBA-së, Yuri Kim që e cilësonte partner të fortë të SHBA.
Pjesë nga debati
Deputeti i PD, Ferdinand Xhaferraj: Ambasadorja Yuri Kim, në një status qartësonte se Nano ishte partner i fortë me shumë kontribute. Nëse nuk ishin interesat e aleatit strategjik, kush ishin interesat që e shkarkuan?
Deputeti i PS, Xhemal Qefalia: Sot jemi për të diskutuar për buxhetin. Të vazhdojmë me rendin e ditës se i shërben dhe kohës në dispozicion.
Ministri Çuçi: Shkarkimi dhe emërimi i drejtorit të Përgjithshëm është administrative dhe çdo procedurë është bërë sipas ligjit. E dyta, lidhet me partneritetin tonë, me SHBA. Ju garantoj dhe jam i bindur që edhe ju e dini po kaq mirë se s’ka asnjë përplasje me partnerin tonë strategjik.