Prej dy ditësh Britania po përjeton reshje të dendura bore, dhe temperaturat janë ulur ndjeshëm. E njëjta situatë është edhe në Skoci. Për këtë arsye, shumë fluturime janë anulluar, dhe pezulluar aktivitete sportive.
Fluturimet janë pezulluar, pasi temperaturat në Mbretërinë e Bashkuar ranë në minus 10 gradë Celsius. Paralajmërimet e motit të shpërndara janë vendosur në të gjithë vendin, ndërkohë që edhe Aeroporti i Glasgow tha se kishte pezulluar përkohësisht të gjitha fluturimet për shkak të “dëborës jashtë të gjitha parashikimeve”.
Por Met Office ka lëshuar paralajmërime të verdha për bregdetin verior dhe jugperëndim të Skocisë, si dhe në jugperëndim dhe bregdetin lindor të Anglisë.
Sinoptikanët paralajmërojnë se kushtet e borës mund të prekin disa rrugë dhe hekurudha, ndërkohë që ka një rrezik të shtuar të lëndimeve nga sipërfaqet e akullta. Mërkuri iu afrua minus 10 gradë Celsius në disa vende gjatë natës. Temperaturat pritet të vazhdojnë të bien, me disa ngjarje sportive të anuluara mes reshjeve të borës dhe kushteve të akullit.
Meteorologia e Met Office, Annie Shuttleëorth tha se do të jetë minus 3 ose minus 4 gradë Celsius për shumë qytete.. Një numër ndeshjesh të Ligës Profesioniste Skoceze të Futbollit u shtynë.