Dita e sotme është plot emocione për familjen e Bora Zemanit, pasi djali i saj, Arbori, feston ditëlindjen. Moderatorja e njohur e ka shndërruar urimin e tij në një moment të ëmbël viral në rrjet, duke ndarë një seri fotosh dhe videosh nga kujtimet e tyre më të dashura.
Në postimin e saj, Bora ndalet tek lidhja e fortë me të birin, duke e përshkruar si dritën që i ndriçon çdo ditë:
Ajo shkruan se “nuk e mbaj mend jetën time pa ty”, ndërsa e quan Arborin “gëzimi im i përditshëm” dhe “forca ime më e madhe”.
Moderatorja uron që i biri të rritet me lumturi e ëndrra të mëdha:
“U rritsh i lumtur, i fortë dhe me zemrën plot ëndrra. Dhe mos harro kurrë, çfarëdo moshe të mbushësh… për mua do mbetesh gjithmonë bebi im”, duke e përshkruar si fëmijën që “jep dhe merr dashuri pa masë”.
Mes fjalëve të ndjera, Bora nuk harroi as humorin. Me një batutë të ëmbël i kujtoi Arborit momentin kur ai i tha se nuk mund ta tregojë më moshën me gishta:
“Mos e vrit mendjen për atë që më the që tani nuk e tregon dot më moshën me gishta”, shkroi ajo me dashuri.
Postimi i saj i plotë prek zemrat e fansave, me fjali ku shihen qartë lidhja, mirënjohja dhe krenaria për të birin:
“Une nuk e mbaj mend jeten time pa ty!
Ndoshta sepse ma ke zbukuruar aq shume, sa cdo gje tjeter perpara teje duket pak. Ti je gezimi im i perditshem, arsyeja pse qesh edhe ne dite jo forte te mira, superheroi im i vogel dhe forca ime me e madhe.
U rritsh i lumtur, i forte dhe me zemren plot endrra… per mua do mbetesh gjithmone bebi im…
Gezuar ditelindjen jeta ime, Arbor dashuria! ”.
Urimi i Borës ka marrë mijëra pëlqime brenda pak minutash, dhe ndjekësit e kanë përgëzuar për fjalët e ndjera dhe marrëdhënien e veçantë me Arborin.