Kapiteli i një anijeje peshkimi në Korenë e Veriut u ekzekutua në publik pasi dëgjonte një radio të huaj të ndaluar.
Radio Azia e Lirë e financuar nga qeveria e SHBA pretendon se marinari u vra pasi pranoi se kishte dëgjuar transmetimet e tij për më shumë se 15 vjet. Burri rreth të 40-ve, thuhet se merrte valët e huaja ndërsa ishte në det dhe dëgjonte transmetime të lajmeve dhe programe radiofonike.
Një burim i tha RFA se kapiteni i anijes, i njohur si Choi, ishte ekzekutuar nga skuadra e pushkatimit para 100 punëtorëve të tjerë të peshkimit.
Burri, i cili ishte pronar i një flote me mbi 50 anije peshkimi, thuhet se ka rrëfyer pasi një nga anëtarët e ekuipazhit e dorëzoi atë tek autoritetet në një bazë në qytetin port të Chongjin. Një zyrtar në provincën Hamgyong të Veriut pretendoi se Choi kishte filluar të dëgjonte transmetime të huaja kur ishte një operator radioje në ushtri.
Pas largimit nga ushtria, ai vazhdoi zakonin – duke e lënë atë të ekspozuar ndaj akuzave kundër “vijës së partisë”.
Baza në fjalë ishte e lidhur me reputacionin e ashtuquajtur Bureau 39, një krah i errët i partisë që siguron valutë të huaj për udhëheqësit e Koresë së Veriut.
“Në mes të tetorit, kapiteni i një anijeje peshkimi nga Chongjin u ekzekutua nga skuadra e pushkatimit, me akuzat se dëgjoi rregullisht Radio Azia e Lirë për një periudhë të gjatë kohore“, tha një burim.