“Një turmë njerëzish po vraponin drejt daljes së qendrës tregtare, ndaj dhe unë nisa të vrapoja”.
Kjo është dëshmia e një prej dëshmitarëve të ngjarjes së rëndë të shënuar mbrëmjen e sotme në një qendër tregtare në Danimarkë.
Një tjetër dëshmitare e identifikuar vetëm si Isabella, u shpreh se dëgjoi 10 të shtëna me armë.
“Vrapova sa të mundesha dhe u fsheha në një prej tualeteve. Qëndrova e fshehur aty për dy orë të tëra” – tha ajo.
Ngjarja e rëndë ndodhi në një qendër tregtare në Kopenhagen, ku një 22-vjeçar u fut me pushkë dhe nisi të qëllojë në drejtim të qytetarëve.