I ftuar në një emision televiziv, ish-Presidenti Bamir Topi, tha sonte se në vendin tonë ka shërbime sekrete që nuk duan që Shqipëria të ekzistojë.
Sipas tij, në vendin tonë ka edhe shërbime sekrete filo-ruse, ndaj Topi këmbëngul që “duhen mbledhur institucionet shtetërore për sigurisë kombëtare”.
“Duhet t’i themi gjërat siç janë. Ka shërbime sekrete partnere dhe shërbime sekrete që nuk duan të të shohin të ekzistosh si vend. Ka shërbime sekrete filo-ruse këtu. Ka të paktën 12 shërbime sekrete aktive në Tiranë. T’i lëmë shërbimet partnere. Pse nuk mblidhen strukturat shtetërore për sigurinë kombëtare?”, tha Topi.