Ish-zëdhënësja e PD, aktualisht zëdhënësja e Sali Berishës, ka dalë kundër Partisë Demokratike, përsa i përket formularit të vetëdeklarimit të kandidatëve për deputetë.
Erla Mëhilli, është kundër në pyetjen që lidhet me deklarimin e pasurisë.
“Një pyetje: Çfarë institucioni e konsideron veten një parti politike që i kërkon një individi të deklarojë pasurinë? Mbi ç’ bazë e kërkon këtë dhe kush do ta bëjë vlerësimin apo do të japë çertifikatën e “pastërtisë”? Dhe më tutje, çfarë ndodh me të dhënat që individi deklaron, vetëm se është një nga disa mijëra shqiptarë që kanë dëshirë të bëhen deputetë? Kush e siguron atë që do ruhet privatësia e këtyre të dhënave? Mesa dimë, ai që do të bëhet deputet, pasi të zgjidhet i tillë, e deklaron pasurinë në institucionet përkatëse (ILDKP). Në fakt, problemin e kanë më shumë ata që e pranojnë, jo ata që e kërkojnë këtë. Dhe kjo nuk vlen vetëm për pasurinë…”, shkruan ajo.