Papa Leoni XIV ka reaguar ndaj deklaratave të presidentit amerikan Donald Trump për Iranin, duke i cilësuar ato si të papranueshme.
“Kërcënimi që i bëhet Iranit është i papranueshëm. Ka çështje të së drejtës ndërkombëtare, por edhe më shumë, çështje morale: ka kaq shumë njerëz, fëmijë, të moshuar, krejtësisht të pafajshëm që do të prekeshin nëse ky kërcënim do të bëhej realitet”, u shpreh Papa.
Ai theksoi se duhet bërë çdo përpjekje për të shmangur përshkallëzimin e situatës.
“Ne duhet të bëjmë gjithçka që mundemi, të lutemi, por edhe të bëjmë që zëri ynë të dëgjohet nga ligjvënësit amerikanë për të thënë se nuk duam luftë, duam paqe”, shtoi ai.