Fatmir Limaj e vlerëson fjalimin e Kryeministrit Edi Rama në Këshillin e Europës, ku kërkoi hedhjen poshtë të rezolutës së Dick Marty ku pretendohet për krime lufte dhe trafik organesh nga UÇK-ja gjatë luftës së Kosovës.
I ftuar në emisionin ‘Opinion’, politikani nga Kosova Fatmir Limaj u shpreh se Kryeministri Edi Rama tha në KiE atë për të cilën kishte shkuar.
“Nëse dikush ka pritur duartrokitje nga ai fjalim, nga vendimi i Parlamentit shqiptar në rezolutë, ai i është drejtuar ndërtesës, institucionit. Pritët që ta duartrokasin? Jo! Fjalimi a ka qenë i duhuri apo jo, nga perspektiva ime ndoshta kisha thënë diçka tjetër. Kryeministri Rama ka shkuar atje dhe për atë që ka shkuar e ka thënë”, u shpreh Fatmir Limaj.