Klement Zguri, kreu i Komisionit Qendror të Zgjedhjeve është kthyer këtë të enjte në mbledhjet e institucionit, pasi u largua duke mos pranuar rrëzimin e dekretit të Metës për anulimin e datës së zgjedhjeve.
Por sot Zguri tha se KQZ duhet të ndërpresë procedurën pasi dekretit i kreut të shtetit është botuar tashmë në Fletoren Zyrtare.
“ Si mundet që një institucion, të gjykojë sipas interesave të veta, apo mendimit të momentit. Personalisht nuk dua të merrem me të drejtën e Metës për të nxjerrë dekret. Nuk jam gjykatë që unë të shoh ligjshmërinë apo kushtetutshmërinë e dekretit. Bëhet fjalë për dekret të vendosur në Fletoren Zyrtare e që ka marr fuqi ligjore. Nga një anë kam presidentin nga një anë ministrinë e drejtësisë.
Për ta mbyllur i qëndroj mendimit e konsideratës në mbledhjen e parë shto edhe botimin ne fletoren zyrtare. KQZ duhet të ndërpresë procedurat për organizmin e zgjedhjeve të 30 qershorit. Pasi dekreti i Presidentit është vendosur në fletore zyrtare. “ u shpreh Zguri duke lënë më pas mbledhjen.