Masakra e tmerrshme në Teksas ka tronditur Shtetet e Bashkuara të Amerikës dhe jo vetëm, ku gjatë të shtënave me armë në një shkollë fillore mbetën të vdekur 19 nxënës dhe dy mësues të shkollës që u bë objekt i sulmit të tmerrshëm.
Ndërkohë, autori i ngjarjes makabre është 18-vjeçari Salvador Ramos. Ai hapi zjarr në shkollën fillore Rob në qytetin e Uvalde para se të vritej nga forcat e rendit, thanë zyrtarët.
Autoritetet vendase kanë publikuar foton e 18-vjeçarit.
Ramos, i cili u qëllua dhe u vra nga policia, para sulmit në shkollën fillore kishte qëlluar gjyshen e tij, e cila po trajtohet në spital në gjendje kritike.
Ndërkaq, mësohet se vetëm tre ditë para ngjarjes 18-vjeçari kishte publikuar në rrjetin social Instagram foto me armë automatikë AR15.
Fotoja është publikuar Insta Story me emrin e përdoruesit “salv8dor_”. Shokët e klasës konfirmuan se llogaria i përket Salvador Ramos.
Guvernatori i Teksasit Gutierrez tha për CNN se Ramos, i cili mbushi 18 vjeç pak ditë më parë, bleu dy armët për ditëlindjen e tij. Megjithatë nuk është ende e qartë nëse armët në foto janë përdorur në masakrën e së martës.