69-vjeçari francez, i cili vrau 3 emigrantë kurd dhe plagosi tre të tjerë në ngjarjen e rëndë regjistruar në Paris disa ditë më parë, ka deklaruar përpara prokurorëve se i urren emigrantët dhe kishte dëshirë që t’i vriste.
William Mallet u shpreh se ka një “urrejtje patologjike” ndaj emigrantëve.
“Unë gjithmonë kam dashur të vras emigrantët dhe të huajt që vijnë në Francë”, u shpreh Mallet përpara prokurorëve.
Ndër të tjera, Mallet ka deklaruar se donte të kryente vetëvrasje.
“Para se të bëja vetëvrasje, gjithmonë kam dashur të vras emigrantë.”
Prej ditës së premte, Mallet është mbyllur në psikiatri, aty ku po merret ende në pyetje nga hetuesit.