Rezidenca luksoze në Beverly Hills ku aktorja e ndjerë Greta Garbo jetoi së bashku me dirigjentin britanik Leopold Stokowski në 1937 është nxjerrë në shitje për 10 milionë dollarë, 2 milionë dollarë më pak nga renditja për herë të parë për shitje verën e kaluar.
Shtëpia është e ndërtuar në një kodër të pjerrët në lagjen “Crest Streets” dhe shtrihet në tre kate dhe ka gjashtë dhoma gjumi dhe banja.
Rezidenca u shit për herë të fundit në vitin 2006, për rreth 7.5 milionë dollarë. Më pas iu shit pronarit të saj aktual, një konglomerat me bazë në Nevada, i lidhur me producentin rus të filmit dhe investitorin e teknologjisë Arcadiy Golubovich. Prona luksoze shpreh thelbin e magjepsjes, sharmit historik dhe stilit të lakmuar të jetesës luksoze në Kaliforni.
Kujtojmë, se aktorja legjendare u tërhoq nga aktrimi në vitin 1941 në moshën vetëm 36 vjeçe, pasi u nominua katër herë për një “Oscar” për “Aktoren më të Mirë”, të cilën nuk e mori kurrë. Garbo u nda nga jeta në vitin 1990 në moshën 84-vjeçare.