Ish-deputeti i PS, Ervin Bushati tha në emisionin “Log.” se problemi më i madh social sot në Shqipëri është demografia. Sipas tij, shqiptarët do vazhdojnë të largohen sepse Evropa po plaket dhe vendet e zhvilluara si Gjermania kanë nevojë për punëtore. Ai tha se oferta në vendet e BE është shumë herë më e mirë sesa në Shqipëri.
“Problemi më i madh social i Shqipërisë sot është demografia. Ne jemi në shtrëngimin e një dare nga të dyja krahët. Lindshmëria ka rënë shumë, jemi tek vendet që ka më pak lindje në botë ndoshta. Shtrëngimi tjetër është se duke qenë se është hapur rruga drejt Evropës dhe Evropa është drejt plakjes do rriten ikjet. Në Shqipëri pagat nuk do konkurrojnë dot pagat në Gjermani. Oferta andej do vazhdojë të jetë”, tha Bushati.
Po çfarë mund të bëjë qeveria? Sipas tij, gjëja e parë që duhet bërë është që të pranohet se ky fenomen është një problem.
“Çfarë mund të bëjë qeveria? Me duket e vështirë ca mund të bëjë. E para duhet ta pranojë që ky është problem. Kjo ndodh në gjithë botën. Kjo është sfidë e shoqërisë shqiptare, përtej politikes”, tha ndër të tjera Ervin Bushati. .