Ministri Sandër Lleshaj do të zhvillojë një vizitë në Kukës. Demokratët kuksianë janë mobilizuar për protestë. Dosja.al zbar axhendën e Lleshajt.
Ministri i Brendshëm, Sandër Lleshaj, pritet të zhvillojë nesër një vizitë në qytetin verilindor të Kukësit.
Burime konfidenciale nga Policia e Kukësit, i thanë Dosja.al se ministri Lleshaj do të zhvillojë nesër një takim me strukturat, por edhe me maturantët e gjimnazit të Kukësit, për rekrutimet në polici.
Mësohet se demokratët e Kukësit do të organizojnë protestë kundër ministrit Lleshaj.
Ministri në orën 09.00 do të ketë takim me maturantë të gjimnazit të Kukësit për rekrutimet në polici, i cili do të ndiqet me një takim me kryetarin e Bashkisë Has e më tej nga një vizitë në pikën e përbashkët të kufirit në Morinë. Vizita në Kukës do të mbyllet me një takim me krerët e Policisë vendore.