Partia Demokratike po festoon nëpër rrethe 28 vjetorin e themelimit të saj. “U
përkujtua në Tropojë, 28-vjetori i themelisë së Degës së PD-së të Tropojës, një
nga degët e para të Partisë Demokratike në Shqipëri, një nga degët ma aktive në
historinë e PD-së, një degë që gjithnji e ka pasë shumicën në rrethin/bashkinë
e Tropojës”, thuhet në faqen zyrtare të kësaj dege. Edhe në Lezhë demokratët
festuan 28-vjetorin e krijimit të PD. “Emocione, kontribute, vlera, histori,
optimizëm, frymëzim dhe të bashkuar si kurrë më parë! Së bashku drejt fitores”,
shprehen drejtuesit lokal të opozitës. Ndërkohë anëtarë e simpantizantë festuan
28 vjetorin e themelimit të parës parti në këtë rreth.
Sakaq asambletë socialiste në të gjitha bashkitë e vendit do të mbyllin brenda datës 15 janar mbledhjet e strukturave të tyre për njohjen me vendimet e mbledhjes së fundit të AK-së, shtimin e radhëve, riformatimin e organizatave, angazhimin e plotë të koordinatorëve elektoral, digjital, emigracionit, etj. Parë në këtë aspekt socialistët kanë nisur përgatitjet për zgjedhjet lokale të 30 qershorit të këtij viti.