Gjashtë persona në Athinë janë dënuar me burgim të përjetshëm për trafikimin e 42 kilogramëve heroinë, vlera totale e së cilës shkonte në 800,000 euro.
Mediat e greke, bëjnë me dije se shqiptarët janë zbuluar nga policia e Sigurimit Komotini ku pas një operacioni, në shtator 2019, në pranga ranë katër bullgarë dhe dy shqiptarë, të moshës 31 deri 55 vjeç.
Mediat në fjalë bëjnë me dije se droga e konfiskuar u gjet me ndihmën e një qeni policie në dy makina. Dyshohet se heroina e cila u gjet në makina ishte importuar nga kufiri greko-turk dhe mendohet të ketë ardhur nga Bullgaria.
Ditën e sotme , 6 personat mes tyre dhe dy shqiptarët kanë dalë para gjykatës ku dhe kanë mohuar akuzat, por megjithatë deklaratat e tyre nuk kanë qenë justifikim për Gjykatën greke, e cila i ka dënuar me burgim të përjetshëm.