Një politikan rus, Alexei Gorinov, i cili u arrestua në muajin prill pasi u filmua duke kritikuar sulmin ndaj Ukrainës në një mbledhje të këshillit të qytetit të Moskës, është dënuar me 7 vite burg.
Pavel Çikov, aktivist i të drejtave të njeriut, tha se vendimi për Gorinov ishte dënimi i parë me burg sipas ligjit të ri.
Sipas këtij ligji, kushdo që përhap “lajme të rreme” për ushtrinë përballet me 15 vite burg.
Rusëve gjithashtu u ndalohet të përdorin fjalën luftë për të përshkruar pushtimin në Ukrainë. Presidenti Vladimir Putin në vend të kësaj ka shpikur frazën “operacion special ushtarak”, megjithëse ai foli për “luftën në Donbas” në komentet drejtuar liderëve parlamentarë.