Gazetari Driçim Daka ka denoncuar një rast të një bisede në një lokal të Aretit Berukës, e njohur për deklaratë e saj në janar që mezi priste të vinte COVID-19 në Shqipëri.
POSTIMI I GAZETARIT DAKA
Shumë shqiptarë presin të bëjnë tamponin. Kanë të gjitha simptomat e Covid-19, por askush nuk u shkon në banesë.
Teksa virusi përhapet me shpejtësi, Areti Beruka, kryeinspektore e Shëndetit në Tiranë më rastisi në një prej lokaleve të Tiranës ditën e diel.
Nuk e njoha, por më tërhoqi vëmendjen fraza: Merr në telefon dhe thuaji që je mikja e imja dhe të vijnë sot të të bëjnë tamponin.
“Thuaj e kam patur vartëse doktoreshën dhe të vijnë me urgjencë për të të marrë tamponin, çke ti, merrem unë”, – shprehej tërë siguri Areti Beruka.
Ishin 2-3 telefonata ku Znj.Beruka përmendte fjalën “mik” dhe I sygjeronte t’i shpjegonte operatorit që ishte e njohur me të.
Njoh plot miq këto javë që telefonojnë 127 për të bërë tamponin pasi kanë simptoma, por askush nuk u ka shkuar ende.
Deri dje luteshin mjekë të caktuar që të kishim raste me Covid-19 në Shqipëri, sot i bëjnë tamponin vetëm miqëve.
Dhe pastaj themi që virusi është përhapur pa ngado….
