Pak minuta më parë sipas Partisë Demokratike, policia ka kryer një veprim të pa ndodhur kurrë më parë.
Sipas PD-së, policia “’ka arrestuar’ flamujt, pankartat dhe vuvuzelat e protestës. Veprimi plotësisht i paligjshëm i efektivave të Komisariatit 2 të kryeqytetit, është kundërshtuar nga organizatorët e protestës, që janë gjendur pranë kryesisë së Kuvendit, ku ka ndodhur bllokimi i automjetit me dekorin e protestës.
Pavarësisht paligjshmërisë, policive, që vepron prej kohësh sipas urdhrave politikë, nuk i është bindur ligjit, por ka bllokuar automjetin për atë që e ka cilësuar si kontroll të pankartave, flamujve dhe vuvuzelave që gjendeshin në të”.
Opozita e konsideron veprim provokues atë të policisë në shërbim sipas saj, të pushtetit kriminal. Demokratët thonë se policia ka arritur në kufijtë e qesharakes, duke “arrestuar” flamujt shqiptarë, amerikanë, gjermanë, evropianë “apo edhe të pankartave që demaskojnë në anglisht dhe në gjermanisht vjedhjen e zgjedhjeve nga Rama përmes bandave dhe krimit të organizuar”.