Megjithëse kanë marrë votat e mjaftueshme në listën e hapur për t’u bërë deputetë, tre kandidatë nuk do ta kenë mundësinë të futen në Parlamentin e ri në shtator.
Kjo për shkak se ata i penalizojnë kuotat gjinore, të cilat do të favorizojnë tre zonja për të marrë mandatin e deputetit.
Në Berat analisti Julian Zyla ka dalë i treti më i votuari në listën e hapur, por nuk futet dot në Kuvend, pasi sipas Kodit Zgjedhor do të përfitojë Hatixhe Konomi, megjithëse ajo ka marrë 1200 vota më pak.
E njëjta situate është edhe në Durrës ku deputeti Ilir Ndraxhi ka marrë 1900 vota më shumë se Etleva Budini, por mandatin do ta marrë kjo e fundit.
Ndërsa në Korçë penalizohet Arian Jaupllari, megjithëse ka marrë 10 vota më shumë se Besa Spaho.
BERAT
Ikën Julian Zyla 4598 vota
Vjen Hatixhe Konomi 3366
DURRËS
Ikën Ilir Ndraxhi 3681
Vjen Etleva Budini 1773
KORÇË
Ikën Arian Jaupllari 5022
Vjen Besa Spaho 5012