Nuk ndërhyjmë në debatin e brendshëm shqiptar janë shprehur deputetët francezë të cilët ndodhen në Shqipëri për një vizitë zyrtare, pas takimit me Taulant Ballën.
Francezi Maire tha se janë takuar me qeverinë dhe opozitën dhe shpresojnë që shqiptarët do të gjejnë një zgjidhje. Franca është një nga vendet më skeptike përsa i përket zgjerimit megjithatë deputetët francezë thanë se mbështesin progresin e vendit.
“Ne në fakt gjatë takimeve tona në Shqipëri kemi pasur takime me qeverinë dhe opozitën. Për momentin nuk do të ndërhyjmë në debatin e brendshëm shqiptar, unë mendoj që për të patur sa më shumë sinqeritet në vendimarrje këtu në Shqipëri, dhe një konsesus nga ana e publikut”, tha Maire.