Sekretarja e Brendshme e Britanisë së Madhe, Suella Braverman, një emigrante nga India, e vendosur për të bllokuar emigrantët e paligjshëm në Angli, por sidomos emigrantët shqiptarë të cilët edhe i cilësoi si “pushtues”, firmosi marrëveshjen e bujshme me ministrin e brendshëm francez, Gerald Darmanin. Marrëveshja u firmos mëngjesin e së hënës në Paris. Deputetët konservatorë si dhe sindikatat dhe grupet për refugjatët, kanë dënuar nënshkrimin e marrëveshjes 72 milionë euroshe për të ndalur emigracionin e paligjshëm në Kanalin e La Manshit.
Natalie Elphicke dhe Tim Loughton deputetë në parlamentin e Mbretërisë së Bashkuar, janë shprehur se marrëveshja është e dyshimtë pasi nuk do të frenojë plotësisht emigracionin e paligjshëm. Sipas tyre patrullat që do të vendosen në plazhet, dhe nuk do të përballojnë dot fluksin e emigrantëve të cilët shtohen çdo ditë.
“Nuk përputhet me shkallën apo urgjencën e krizës së varkave të vogla, apo me rrezikun në rritje të humbjes së jetëve me afrimin e dimrit,” është shprehur Elphicke. Sipas Loughton ka deklaruar se nuk ka asgjë në këtë marrëveshje që detyron policinë franceze të ndalojë dhe arrestojë këdo që përgjon.
Grupet e refugjatëve si dhe sindikatat kanë bërë të ditur se marrëveshja është e dështuar që në hartimin e saj, pasi oficerët nuk do të ndalin ardhjen e mijëra emigrantëve të tjerë përgjatë muajve në vijim. Para samitit të G20 kryeministri britanik Rishi Sunak u shpreh se kjo të frenojë ardhjet por është një çështje që do të kërkojë kohë dhe nuk mund të zgjidhet vetëm në një ditë të vetme.