Pas futjes me procedurë të përshpejtuar për shqyrtim të projektligjit për huanë prej 302 milionë dollarësh nga SHBA për pajisje ushtarake, deputetëve u është vënë në dispozicion një kopje e marrëveshjes për ta shqyrtuar përpara seancës së radhës, e cila do të mbahet sot në orën 15:00.
Kopja e marrëveshjes, për të cilën deputetët duhet të firmosin për ruajtjen e konfidencialitetit, pasi bëhet fjalë për një dokument të klasifikuar, është vënë në dispozicion të të gjithë deputetëve.
Megjithatë, në një video të publikuar shihet deputeti Agron Shehaj teksa hyn në ambientin ku dokumenti ishte vendosur për konsultim, e merr kopjen e marrëveshjes dhe largohet me vrap.