Deputeti i Partisë Socialiste, Taulant Balla deklaroi se Partia Socialiste nuk do të bëjë kurrë aleancë qeverisëse me LSI, madje sipas tij PS do të çojë deri në fund projektin e nisur në 2017 me kreun e PD Lulzim Basha, “për ta çuar LSI për skrap”.
Ai e cilësoi të papranueshëm vendimin e PD për të lënë mandatet teksa theksoi se asnjë parti politike nuk e ka të drejtën të tradhtojë mandatin që i ka dhënë populli
I pyetur lidhur me programin e PS për zgjedhjet e 25 prillit, Balla tha se ka përfunduar 99 për qind të punës për një platformë që bëhet nga disa pjesë Shqipëria 2030 dhe brenda saj është edhe programi qeverisës për mandatin e tretë.
Brenda programit të PS sipas tij, do të ketë objektiva afatshkurtra siç është vaksinimi, që synohet të mbyllet brenda 14 muajsh dhe rindërtimi.