Deputeti Petrit Vasili ka shpërthyer në akuza ndaj kryeministrit Edi Rama pas zotimeve të tij për rritje pagash dhe pensionesh.
Me anë të një statusi në rrjetet sociale, deputeti i Partisë së Lirisë shprehet se Rama po gënjen dhe po mashtron qytetarët me premtime që nuk i mban.
“Edvini si qentë e rrugës që lehin nga frika, i trembur nga humbja zgjedhore, po lëshohet nëpër gënjeshtra për rritje pagash e pensionesh.
Edvini, që sot ulërin, nuk e ka pranuar rritjen e rrogave çdo vit sipas inflacionit, që Partia e Lirisë e ka kërkuar me projektligj në Parlament në shtator. Prandaj nuk ka asnjë seriozitet tani kur po mjaullin për gjoja rritje rrogash.
Sa më e madhe humbja që e pret, aq më të trasha i ka mashtrimet Ramë mashtruesi.
Ky i mjerë kujton se shqiptarët nuk i kuptojnë gënjeshtrat e tij të trasha, që po i lëshon shpejt e shpejt brenda pak ditëve, vetëm nga frika e humbjes.
Ky budalla kujton se shqiptarët i kanë harruar tonelatat e mashtrimeve me legalizimet, me shëndetësi falas, me ujë 24 orë, me vaditje anë e mbanë në bujqësi e qindra gënjeshtra të tjera që ka vjellë pa pushim.
Hidhu dhe perdridhu sa të duash Edvin, por në 14 maj ti e di mirë që nuk të fal asnjëri për shkretimin dhe shpopullimin e Shqipërisë.
Edvin në 14 maj fundin e ke të paralajmëruar se nuk ka shqiptar, që voton më hajdutët dhe të korruptuarit e tu me nga dhjetë emra nëpër bashki.
Ndaj Edvin bëhu gati, se ne premtimet i mbajmë dhe nuk ke nga ja mban, fatin për në qeli e ke”, shkruan Vasili.