Sulmi i parë ndaj emigrantëve shqiptarë do të vinte nga një zë i fuqishëm brenda qeverisë angleze. Bëhet fjalë për Suella Braverman, e cila vetë është me kombësi indiane. Fjalori që ajo ka përmendur drejtë shqiptarëve ka qenë fyes dhe diskriminues. Fjalimi i saj u prit me kundërshtime nga deputetët e tjerë.
“Mendoj se kemi një krizë për sa u përket varkave të vogla. Asnjeri në këtë vend s’do t’i shohë të vazhdojnë. Janë të rrezikshme dhe minojnë kontrollin e kufirit. Duhet ta vëmë nën kontroll këtë situatë. Një pjesë e madhe e problemit është se sistemet britanike të azilit dhe emigrimit janë shumë infektive tani.
Aq sa nuk arrijnë t’i gjurmojnë rastet e t’i marrin vendimet me shpejtësi. Kjo është një nga arsyet që ka njerëz nga disa vende që përfitojnë nga kjo. Ngaqë vendimi nuk merret shpejt dhe ata arrijnë të qëndrojnë e të punojnë. Pra, duhet ta vëmë nën kontroll këtë”,-tha Karen Buck, deputete e parlamentit anglez për Inside Story.