Një tjetër sulm vjen ndaj gazetarit Marin Mema për dokumentarët që ai realizon për të hedhur dritë mbi rrënjët shqiptare, por këtë herë nuk janë mediat greke apo vetë shteti helen që e akuzon, por është deputetja socialiste Artemis Malo.
Ka qenë dokumentari i fundit i gazetarit Marin Mema në Dropull, ku gazetari tregon me dokumenta dhe me ndihmën e dy profesorëve që në Droppull jetojnë familje me mbiemrin Gjini, Gjoni, Nika Bardhi etj, që mes tij dhe deputetes të krijohej një përplasje e paprecedentë.
Deputetja Malo me anë të një psotimi në rrjetet sociale e ka quajtur gazetarin një pseudo-patriot dhe e ka kërcënuar se do të përballet me ligjin, ndërsa më pas ka reaguar edhe gazetari, që pyet gazetaren përse nuk i pëlqen fakti që në Dropull jetojnë familje me mbiemrat e sipërpërmendur, ndërsa shprehet se gjithçka që është thënë në atë dokumentar është e vërtetuar me fakte dhe dokumenta.