136 civilë janë vrarë në Ukrainë gjatë gjashtë ditëve të luftës ku mes tyre përfshiehn 13 fëmijë. Këto janë shifrat tragjike që publikon Organizata e Kombeve të Bashkuara. Gjithashtu raportohet për 400 civilë të tjerë të cilët janë plagosur pasi trupat ruse kanë lëshuar raketa në zonat e banuara. Këtu përfshihen edhe 26 fëmijë të tjerë.
Zëdhënësja e Komisionerit të Lartë të OKB-së, Liz Throssell, u shpreh se shumica e viktimave ishin rezultat i “armëve shpërthyese. Këto janë vetëm viktimat që ne mundëm t’i kontrollonim dhe numri i vërtetë ka të ngjarë të jetë shumë më i lartë.”, tha ajo.