Ministri i Ekonomisë në Maqedoninë e Veriut, Kreshnik Bekteshi ka ngritur shqetësimin e abuzimeve që bëhen me çmimet e produkteve bazë.
“Flasim vetëm për produktet që janë pjesë e masës e ato janë 6-7 produkte. Makaronat dhe pastat kemi vërejtur se ka ulje të çmimit. Por mendoj se kjo nuk është ulje e mjaftueshme e çmimeve. Vlerësoj se ka ende hapësirë. Duhet të presim pasi që justifikimi i tyre është se ende në depon e tyre posedojnë produkte që janë me çmimet e mëparshme, ndërsa çmimet e reja do të vendosen pas 5 një jave”.
Qeveria miratoi ligjin për mbrojte të konsumatorëve nga çmimet e larta, por edhe nga tregtarët që përfitojnë në kurriz të qytetarëve.
Në ligj është paraparë gjoba prej 500 deri 10 mijë euro apo me mbyllje të biznesit. Inspektorët do të kërkojë shkelësit e ligjit por edhe qytetarët mund të lajmërojnë çdo parregullsi që vërejnë në market.